Almatyda asfalttyń jańa túri synaqtan ótkizilip jatyr. Bul týraly qalalyq ákimdiktiń baspasóz qyzmeti málim etti, dep habarlaıdy Egemen.kz.
Ákimdiktiń málimetinshe, polımerli bıtým negizindegi asfaltbetondy qospany almatylyq jol jóndeýshiler qoldanysqa engizip kórdi. Pılottyq joba aıasynda jańa qospamen Gogol kóshesiniń avtobýs jolaǵynyń soltústik jaǵyndaǵy úsh ýchaskesi jóndeldi. Mamandar bul aýmaqty jyl boıy baqylap otyrady.
«Synamalar alynyp, jabynnyń jaı-kúıine monıtorıng júrgiziledi. Bul tájirıbe barysymen qala ákimi Erbolat Dosaev tanysty. Jańa materıal áldeqaıda berik jáne joldarda oıyqtar men jaryqtardyń paıda bolýyna jol bermeıdi dep eseptelip otyr», delingen habarlamada.