Oqıǵa 25 shilde kúni túngi saǵat 00:15 shamasynda bolǵan, dep habarlaıdy Egemen.kz.
Abaı aýdanyndaǵy Shaýmıana kóshesi boıynda ornalasqan jalpy kólemi 81 sharshy metr úıdiń shatyry tolyǵymen janyp ketken. Sondaı-aq kólemi 36 sharshy metr bolatyn eki bólme men úı zattary otqa oranǵan. Oqıǵa ornynda Shymkent qalasy tótenshe jaǵdaılar departamenti órt sóndirý qyzmetiniń 14 qyzmetkeri men 3 tehnıkasy, apattar medısınasy brıgadasy jumyldyryldy.
«Aýmaǵy 12 sharshy metr qonaq bólmesiniń laı men qamystan jasalǵan tóbe jappasy qulady. Tilsiz jaý saǵat 00:44-de oqshaýlanyp, 01:10 shamasynda tolyǵymen sóndirildi. Úıdiń ishinen 1951 jylǵy er kisiniń denesi tabyldy. О́rttiń shyǵý sebepteri anyqtalyp jatyr», delingen Túrkistan oblysy TJD qoǵammen baılanys toby taratqan habarlamada.