«Qazgıdromet» RMK 29 shildede aýa raıynyń buzylýyna baılanysty birneshe óńirde eskertý jarııalady, dep habarlaıdy Egemen.kz.
Atap aıtqanda, Nur-Sultan qalasynda naızaǵaı oınap, kúndiz burshaq jaýady. Soltústik-batystan soǵatyn jel soltústik-shyǵysqa aýysyp, kúndiz ekpini 15-20 m/s quraıdy.
Qaraǵandy oblysynyń soltústik jartysynda naızaǵaı, burshaq kútiledi. Jel soltústik-batys baǵyttan soltústik-shyǵys baǵytqa aýysyp, naızaǵaı kezinde kúshi 18-23 m/s artady.
Mańǵystaý oblysynyń soltústik-shyǵysynda naızaǵaı oınap, soltústik-batystan jel soǵady, óńirdiń soltústik-shyǵysynda, ońtústiginde jyldamdyǵy 15-20 m/s jetedi.
Aqtóbe oblysynyń ońtústigi men batysynda naızaǵaı kútiledi. Soltústik-shyǵystan, soltústikten jel soǵady, óńirdiń ońtústigi men shyǵysynda ekpini 15-20 m/s quraıdy.
Kúndiz Batys Qazaqstan oblysynyń batysynda, soltústik-batysynda naızaǵaı oınaıdy.
Kúndiz Aqmola oblysynyń soltústiginde, batysynda qatty jańbyr jaýady. Oblystyń basym bóliginde naızaǵaı kútiledi. Kúndiz óńirdiń soltústiginde, batysynda, shyǵysynda burshaq jaýyp, daýyl turady. Soltústik-batystan soǵatyn jel soltústik-shyǵysqa aýysyp, kúndiz óńirdiń soltústiginde, batysynda, shyǵysynda ekpini 15-20 m/s artady.
Kúndiz Túrkistan oblysynyń taýlarynda naızaǵaı oınap, soltústik-batystan jel soǵady. О́ńirdiń soltústiginde, taýly aýdandarynda jeldiń kúshi 15-20 m/s artady. Oblystyń basym bóliginde tótenshe órt qaýpi saqtalady.
Kúndiz Shyǵys Qazaqstan oblysynyń soltústiginde, shyǵysynda naızaǵaı kútiledi. Jel soltústik-batystan, batystan soǵady, oblystyń shyǵysynda, ońtústiginde kúshi 15-20 m/s quraıdy.
Tańerteń jáne kúndiz Abaı oblysynyń soltústiginde, batysynda, ortalyǵynda naızaǵaı oınap, soltústik-batystan, batystan jel soǵady. О́ńirdiń ońtústiginde ekpini 23 m/s jetedi. Oblystyń ońtústiginde tótenshe órt qaýpi saqtalady.
Qyzylorda oblysynyń soltústiginde naızaǵaı boljanady. Jel soltústik-batystan soǵady, oblystyń soltústiginde, ortalyǵynda kúshi 15-20 m/s jetýi yqtımal. Oblystyń basym bóliginde tótenshe órt qaýpi saqtalady.
Pavlodar oblysynda qatty jańbyr, naızaǵaı, burshaq, daýyl kútiledi. Soltústik-shyǵystan jel soǵady, naızaǵaı kezinde ekpini 15-20 m/s artady.
Soltústik Qazaqstan oblysynyń basym bóliginde jańbyr jaýady. Túnde óńirdiń soltústigi men batysynda qatty jańbyr boljanady. Sondaı-aq burshaq, daýyl, tuman kútiledi. Jeldiń ekpini 23 m/s kúsheıýi yqtımal.
Almaty oblysynda 29-31 shildede Ile Alataýynda qatty jańbyr, burshaq, daýyl kútiledi. Keı jerlerde naızaǵaı oınap, naızaǵaı kezinde ekpini 15-20 m/s artady.