Osy jyldyń bes aıynda aýyl sharýashylyǵy men óńdeý ónerkásibine tartylǵan ınvestısııa kólemi edáýir azaıǵan, dep habarlaıdy Egemen.kz Ulttyq statıstıka bıýrosyna silteme jasap.
«2022 jyldyń qańtar-maýsym aralyǵynda aýyl, orman jáne balyq sharýashylyǵynyń negizgi kapıtalyna salynǵan ınvestısııalardyń kólemi - 342,9 mlrd teńge. Bul ótken jyldyń sáıkes kezeńimen salystyrǵanda 3,5 paıyzǵa az», dedi bıýro mamandary.
Investısııanyń 155,4 mlrd teńgesi Aqmola, Qostanaı jáne Soltústik Qazaqstan sııaqty astyq egetin oblystarǵa baǵyttalǵan. Qarjynyń 63,2 paıyzy bir jáne eki jyldyq daqyldardy ósirýge, al 25,9 paıyzy mal sharýashylyǵyn damytý úshin jumsalady.
«Bıyl bes aıda óńdeý ónerkásibine 599,1 mlrd teńge ınvestısııa tartyldy. Bul ótken jylmen salystyrǵanda 3,2 paıyzǵa az. Investısııalardyń 78,8 paıyzy - menshikti qarajat. О́ńdeý ónerkásibine tartylǵan ınvestısııanyń 68 paıyzy metallýrgııa óndirisine, hımııa ónerkásibi men tamaq ónimderin óndirýge baǵyttaldy», delingen bıýro habarlamasynda.