Qazgıdromet sınoptıkteri 1 tamyzda aýa raıy qandaı bolatynyn aıtty, dep habarlaıdy Egemen.kz.
Ońtústik sıklon jáne oǵan baılanysty atmosferalyq fronttar Qazaqstan aýmaǵynyń basym bóligine áserin tıgizedi. Sonyń saldarynan jańbyr jaýady.
Eldiń soltústiginde nóser jaýyn bolady. Eldiń basym bóliginde naızaǵaı oınap, jel kúsheıedi. Burshaq jaýyp, daýyl turady.
Túnde jáne tańerteń respýblıkanyń soltústiginde, soltústik-batysynda, ortalyǵynda tuman túsedi.
Kúndiz Pavlodar oblysynyń shyǵysynda, Aqmola oblysynyń soltústik-batysynda qatty jańbyr jaýady.
Kúndiz Atyraý oblysynyń basym bóliginde aptap ystyq saqtalady.
Túrkistan, Qyzylorda, Jetisý, Almaty oblystarynyń basym bóliginde, Abaı, Jambyl oblystarynyń ońtústiginde tótenshe órt qaýpi saqtalady.