Biryńǵaı jınaqtaýshy zeınetaqy qorynyń zeınetaqy aktıvi boıynsha eseptelgen ınvestısııalyq tabysy 352 mlrd teńgeni quraıdy. Jalpy, 2022 jyldyń 1 shildesindegi jaǵdaı boıynsha azamattardyń BJZQ-daǵy jınaǵynyń kólemi 13,4 trln teńgege jetken. Bul ótken jyldyń sáıkes kezeńimen salystyrǵanda 4,8 paıyzǵa kóp.
Salymshylardyń zeınetaqy jınaǵy zeınetaqy jarnasy, sondaı-aq ınvestısııalyq kiris esebinen qalyptasady. Bul rette ınvestısııalyq kiristiń róli óte joǵary. Máselen, 2013 jyldyń qyrkúıegi men 2022 jyldyń shildesi aralyǵyndaǵy taza ınvestısııalyq tabys kólemi 6,5 trln teńge deńgeıinde qalyptasqan.
Ranking aqparatyna súıensek, birinshi jartyjyldyqtaǵy eseptelgen ınvestısııalyq kiris mólsheri – 352,59 mlrd teńge. Sonyń 146,09 mıllıardy – baǵaly qaǵazdar boıynsha syıaqy túrindegi kirister. Buǵan – ornalastyrǵan salymdar boıynsha syıaqy, «keri REPO» operasııalary jáne qundy qaǵazdardyń naryqtyq qaıta baǵalanýy kiredi. 231,32 mlrd teńge sheteldik valıýtany qaıta baǵalaýdan túsken. О́zge kiristerdiń kólemi – 11,25 mlrd teńge. Sonymen qatar syrtqy basqarýdaǵy aktıvter boıynsha 36,07 mlrd teńge kóleminde shyǵyn da bar.
«Zeınetaqy jınaǵynyń uzaqmerzimdi ınvestısııa ekenin, al ınvestısııalyq kiris mólsherin taldaǵan kezde bir jyldan kem emes ýaqyt kezeńin esepke alǵany jón ekenin atap ótkimiz keledi. Qysqamerzimdi (aptalyq, aılyq) derekter kórsetkish bolyp sanalmaıdy. О́ıtkeni naryq konıýnktýrasy sát saıyn ózgeredi. Mysaly, 2021 jyly salymshylardyń zeınetaqy shotyna bólistirilgen taza ınvestısııalyq tabys somasy 1,4 trln teńgeni qurap, bir jylda túsken jarna somasynan da (1,3 trln teńge) asyp tústi. Ulttyq bank basqarýyndaǵy BJZQ zeınetaqy aktıvteri boıynsha kiristilik – byltyr ınflıasııa 8,4 paıyz bolyp turǵan kezde 11,13 paıyzdy qurady. Bıylǵy ınvestısııalyq kiristiń ózgeris dınamıkasyn da eskermeı tura almaımyz. 2022 jyldyń 5 aıynyń qorytyndysy boıynsha shyǵyn tirkeldi. Alaıda jarty jyl ishinde jaǵdaı oń qyryna qaraı ózgerdi. Bul jyl basyndaǵy geosaıası ahýaldyń ýshyǵýynan týyndaǵan álemdik qarjylyq jáne taýarlyq naryqtaǵy qubylýlarmen baılanysty. Bul jaǵdaı ınflıasııa ósimine de, zeınetaqy aktıvteri boıynsha kiristilik kórsetkishterine de áser etti», dep jazady Ranking.
Olardyń aıtýynsha, uzaqmerzimdi dınamıkaǵa qarap optımıstik kózqaras tanytýǵa bolady. Tek sońǵy bes jyldyń (2017-2021) ózinde ınvestısııalyq kiristiń jalpy somasy 5 trln teńgege jetken.