Almaty qalasy ICCA halyqaralyq kongrester men konferensııalar qaýymdastyǵynyń múshesi boldy (International Congress & Convention Association), dep habarlaıdy Egemen.kz.
«Qaýymdastyqqa kirý ártúrli týrıstik uıymdarmen – ICCA múshelerimen jańa seriktestik ornatýǵa múmkindik beredi. Biz qalaǵa sapaly jańa týrısterdi tartýǵa jáne ustap qalýǵa nıettimiz», dedi Almatynyń týrıstik aqparattyq ortalyǵynyń dırektory Edige Marǵulan.
MICE-týrızm sońǵy jyldary Qazaqstandaǵy týrızmniń basym túrine aınaldy. MICE-týrızm naryǵynyń álemdik kólemi 7,5% jyldyq ósimmen $725 mlrd-qa baǵalanady. Almatyda jylyna 20 halyqaralyq deńgeıdegi iskerlik is-shara ótkizý josparda bar.
Aıta ketsek, ICCA músheleri – 88 túrli eldegi 950 qala. ICCA reıtıngisine sáıkes, Qazaqstan MICE-týrızm boıynsha álemde 79-shy orynda (2020).