Elordada Jaqsylyq Úshkempirov atyndaǵy jekpe-jek saraıynda «Alash Pride» promoýsheniniń uıymdastyrýymen aralas jekpe-jekten «Alash Pride FC75» halyqaralyq týrnıri ótti, dep habarlaıdy Egemen.kz.
Oǵan alty elden kelgen 10 jup qatysyp, elorda tórinde kerilgen oktagonda kúsh synasty. Keshtiń basty jekpe-jeginde Qyrǵyzstannyń sarbazy Kýshtarbek Amırbekýýly men Reseıdiń daǵystandyq sportshysy Ramazan Kadıev lıganyń chempıondyq belbeýin sarapqa saldy. Bul jekpe-jek uzaqqa sozylmady. Birinshi kezeńde-aq daǵystandyq qyrǵyzdyń «Konoryn» qylqyndyrý ádisin qoldanyp, jeńiske jetti.
«Alash Pride FC» promoýsheniniń prezıdenti Danııar Qasqaraýovtyń aıtýynsha, aıtýly dodaǵa alty elden kelgen eń myqty 10 jup shyǵyp, shyn myqtylar jeńiske jetken.
«Tobet Top Team» klýbynyń bapkeri Dıas Qabdýov mundaı týrnırler jekpe-jekte júrgen sportshylarǵa ózin halyqaralyq arenada kórsetý úshin zor múmkindik beretinin aıtty.
Bul keshte Raýan Bekbolat, Baqdos Oljabaı, Ǵalymjan Qanaev, Shúkir Saǵynaı, Iýrıı Tıtorenko sekildi jerlesterimiz oktoǵanda atoı saldy.