Londondaǵy elshilikke ekstremısterdiń shabýylynan keıin Qazaqstan Ázerbaıjanǵa qoldaý kórsetýge daıyn. Bul týraly elimizdiń Syrtqy ister mınıstrligi málimdedi, dep habarlaıdy Egemen.kz.
«Halyqaralyq quqyqtyń negizderi men normalaryn buzý aktileri jalpyǵa birdeı aıyptaýdy jáne olardyń uıymdastyrýshylaryn jaýapkershilikke tartý maqsatynda muqııat tergeýdi talap etedi. Dıplomatııalyq ókildikter men olardyń qyzmetkerlerine qatysty zorlyq-zombylyqtyń kez kelgen kórinisi qabyldanbaıdy», dep atap ótti vedomstvo.
Eske salaıyq, 4 tamyzda dinı radıkaldar Londondaǵy Ázerbaıjan elshiligine shabýyl jasaǵan bolatyn. Dıplomattar zardap shekken joq.