Qazaqstanda tutynýshylardyń quqyqtaryn qorǵaý jónindegi Ombýdsmen ınstıtýty qurylady. Saýda jáne ıntegrasııa mınıstrliginiń habarlaýynsha, tutynýshylardyń quqyqtaryn qorǵaý salasynda ombýdsmen ınstıtýtyn engizý – eldegi bıznesti yryqtandyrýdyń belsendi saıasatyna, tutynýshylardyń quqyqtyq saýattylyǵyn jáne olardyń óndirip alynýyn arttyrýǵa yqpalyn tıgizedi.
«Ombýdsmenniń mindetteri – tutynýshy quqyqtarynyń týyndaǵan máseleleri boıynsha kásipkermen sotqa deıingi retteý, olaı bolmaǵan jaǵdaıda sot organdaryna tutynýshylardyń múddeleri men quqyqtaryn qorǵaý úshin talap-aryzben júginý. Sondaı-aq ınstıtýt memlekettik organdardyń quqyqtyq aktileriniń salalyq jobalaryn ázirleýge belsendi qatysady», dep habarlady vedomstvo.
Bul sharýamen qatar ınstıtýt azamattardyń saýatyn ashý jáne quqyqtyq saýattylyǵyn arttyrýmen de belsendi aınalyspaq.
2021 jyly júrgizilgen áleýmettik saýaldama nátıjeleri boıynsha 20 myń respondent (bul barlyq suralǵandardyń 55 paıyzy) tutynýshylardyń quqyqtaryn qorǵaý máseleleri boıynsha ombýdsmen ınstıtýtyn qurý boıynsha oń pikirlerin bildirgen.
«Tutynýshylardyń ótinishterin qaraý úshin qoǵamdyq ınstıtýttar tutynýshylardyń quqyqtaryn qorǵaýdyń biryńǵaı aqparattyq júıesin paıdalana alady (e-tutynushy.kz). Ol úshin tutynýshy men tutynýshylardyń quqyqtaryn qorǵaý (TQǴ) qoǵamdyq ınstıtýty tek tirkelý qajet. Tutynýshyǵa «bir tereze» qaǵıdaty negizinde osy másele boıynsha dáleldi jaýap alý úshin kásipkerdiń atyna óz shaǵymyn tegin jáne dereý jiberýge múmkindik beretin onyń ereksheligin atap ótý mańyzdy», deıdi mınıstrlik ókilderi.