Elordada «Jastar» saraıynda jumyssyz azamattar, probasııa qyzmetiniń esebinde turǵan, bas bostandyǵynan aıyrý oryndarynan bosatylǵan adamdar jáne alıment boıynsha boryshkerler úshin jalpy qalalyq bos oryndar jármeńkesi ótti, dep habarlaıdy Egemen.kz elorda ákimdiginiń resmı saıtyna silteme jasap.
Turǵyndardyń jumysqa ornalasýyna kómektesý maqsatynda uıymdastyrylǵan jármeńkege 50-den astam jumys berýshi qatysty.
Jármeńke jumysyna elordanyń 54 jumys berýshisi qatysyp, 1300-den astam bos jumys oryndary usynyldy. Onyń ishinde 9 mekeme probasııa qyzmeti esebindegiler jáne jazasyn ótep kelgen jumyssyz azamattarǵa 197-den astam bos jumys oryndaryn usyndy. Bilim, saýda, qarjy, qurylys salasyndaǵy mekemeler jumys izdep júrgen azamattarǵa aqparattyq-túsindirý jumystaryn júrgizip, túıindemelerin qabyldady.
Jármeńke arqyly jumys tabýǵa nıetti azamattardyń birqatary eńbekke endi aralasatyn jas maman bolsa, endi biri turmystyq jaǵdaıǵa baılanysty jumys ornyn aýystyrýdy kózdeıdi. Elordaǵa qonys aýdarǵan qazaq tili jáne ádebıeti pániniń muǵalimi Altyngúl О́ńeı óz erkimen jumys tappaǵan soń, jármeńkede jumys tabýǵa úmitti.
«Men Arshaly aýdany Saryoba orta mektebinde 17 jyl qazaq tili men ádebıetinen sabaq berdim. Bıyl otbasylyq jaǵdaıǵa baılanysty elordaǵa kóshtik, biraq áli jumys tappadym. Osy jármeńkede birneshe mekemege túıindeme tapsyrdym, jaqsy habar kútemin», deıdi muǵalim A.О́ńeı.
Jármeńkede jumys berýshiler qatarynda qalalyq Halyqqa qyzmet kórsetý ortalyǵy da boldy. Ortalyq 5 baǵyt boıynsha bos jumys oryndaryn usyndy. «Azamattarǵa arnalǵan úkimet» memlekettik korporasııasy» Nur-Sultan qalalyq fılıalynyń ókili elordadaǵy ortalyqtarǵa 50 adam jetispeıtinin atap ótti.
«Elordada 9 HQKO bar. Qazir qyzmet kórsetý ortalyǵyna jumysqa kirý jeńildedi. Úmitkerler psıhologııalyq test tapsyrmaıdy, jumysqa áńgimelesý arqyly qabyldanady. Múmkindigi shekteýli azamattardy da jumysqa alý jaǵy oılastyrylǵan. Búgingi jármeńkede túıindemeler kóp tústi, biz olarmen tanysyp, barlyq talapqa sáıkes keletin azamattardy jumysqa qabyldaımyz», deıdi Baqtııar Álıaqparov.
Jármeńkege Nur-Sultan qalasy prokýratýrasy, qalalyq jumyspen qamtý jáne áleýmettik qorǵaý basqarmasy, Ádilet departamenti jáne qylmystyq-atqarý júıesi departamentiniń ókilderi, sondaı-aq, «Astana-Teplotranzıt» AQ, «Green tal» JShS, «Meırim-M» JShS, «Elektrovoz Qurastyrý Zaýyty» JShS, «Basqarý Kolledji» JShS, Nur-Sultan qalasy ákimdiginiń ShJQ MKK «Servıs jáne týrızm kolledji», «Joǵary medısınalyq kolledji» ShJQ MKK jáne basqalar qatysty.
Aıta keteıik, Nur-Sultan qalasynda jyldyń sońyna deıin 28 myń jańa jumys orny qurylady. Bos jumys oryndary jármeńkesiniń maqsaty-jumys berýshiler málimdegen azamattardy bos jumys oryndaryna jumysqa ornalastyrý. Búgingi jalpyqalalyq jármeńkege 450-ge jýyq jumys izdeýshi qatysty. Qalalyq halyqty jumyspen qamtý ortalyǵy málimetinshe jyl sońyna deıin áli osyndaı 8 bos jumys oryndar jármeńkesi ótedi.