Pavlodarlyq polıseıler kún saıyn quqyq buzýshylyqtardy anyqtaý úshin reıdtik is-sharalar ótkizedi. Onyń ishinde alkogol ónimderin zańsyz satýdy anyqtaý maqsatynda dúkender men saýda núktelerine tekserý júrgiziledi, dep habarlaıdy Egemen.kz.
Máselen Maı aýdany Aqshıman aýylynyń turǵyny lısenzııasynyń joqtyǵyna qaramastan, úıinde alkogol men temeki ónimderin satqan. Tekserý barysynda «Parlament» markaly 77 qorap temeki jáne 1200 - den astam spırttik ónimder alyndy. Onyń ishinde 334 shólmek, 200 lıtr plastmassa ydysqa quıylǵan araq jáne konıak ónimderi men 500 bótelke syra tárkilendi.
- Zańnama talaptaryn buzǵany úshin 44 jastaǵy aýyl turǵynyna qatysty QR ÁQBtK 200, 282 jáne 463-baptary boıynsha ákimshilik óndiris qozǵaldy. Saraptama taǵaıyndaldy, onyń nátıjesi boıynsha prosessýaldyq sheshim qabyldanady, - dep habarlady Pavlodar oblysy Maı aýdandyq polısııa bóliminiń bastyǵy Baýyrjan Jumabaev.