«Qazgıdromet» sınoptıkteri aldaǵy úsh kúnniń aýa raıy boljamyn usyndy, dep habarlaıdy Egemen.kz.
Sınoptıkteridiń boljaýynsha, respýblıkanyń batys jáne ońtústik óńirlerinde ashyq jáne ystyq aýa raıy saqtalady. Elimizdiń soltústik, ortalyq jáne shyǵys óńirlerinde aýa raıynyń qalyptasýyna soltústik sıklon jyrasy áser etedi, sondyqtan jańbyr jaýyp, naızaǵaı oınap, jel kúsheıedi, aptanyń aıaǵyna qaraı soltústik óńirlerde aýa temperatýrasy tómendeıdi dep kútiledi.
«Qazaqstannyń batysynda kúndizgi aýa temperatýrasy +27+38 gradýs shamasynda saqtalady, respýblıkanyń soltústik-batysynda aýa temperatýrasy +25+32 gradýstan +20+28 gradýsqa deıin, soltústiginde +22+27 gradýstan +18+23 gradýsqa deıin tómendeıdi, eldiń ortalyǵy men shyǵysynda aýanyń temperatýrasy +18+28 gradýs, ońtústiginde +28+35 gradýs, ońtústik-shyǵysynda +20+30 gradýs shamasynda bolady», delingen habarlmada.