Qarjy monıtorıngtik agenttiginiń Qostanaı oblysy boıynsha departamenti agroónerkásip keshenindegi sýbsıdııalardy urlaý faktisin anyqtady, dep habarlaıdy Egemen.kz vedomstvonyń baspasóz qyzmetine silteme jasap.
«Shyǵys Zapad» JShS dırektory Netesov A.A., sonymen qatar Ánýarbekov J.A. jáne Asanov D.M., 2018-2019 jyldar aralyǵynda memlekettik baǵdarlama aıasynda oblystaǵy sharýa qojalyqtarynyń basshylaryn aldap, 161 mln teńgeden astam bıýdjet qarajatyn jymqyrǵan.
«Memlekettiń agroónerkásiptik keshen sýbektilerine ınvestısııalyq sýbsıdııa retinde bólgen aqshasy kelesi shema boıynsha urlyq nysanasyna aınaldy: olar fermerlerge ózderi habarlasyp, olardyń atynan ótinishter men qarjylyq qujattardy toltyrǵan, olarda jaıylymdyq sýarý úshin jetkizilgen tehnıkanyń baǵasy eki esege kóterilip, aıyrmasy urlanǵan.
Sot bul is boıynsha barlyq aıyptalýshylardy quqyq buzýshylyq jasaǵany úshin kináli dep tanyp, 5 jáne 6 jylǵa bas bostandyǵynan aıyrdy jáne sot zalynda qamaýǵa alyndy», delingen vedomstvo habarlamasynda.