Sınoptıkter 26 tamyzǵa arnalǵan aýa raıy boljamyn jarııalady, dep habarlaıdy Egemen.kz.
«Ońtústik, ońtústik-shyǵys antısıklony yqpalymen elimizdiń basym bóliginiń aýa raıy ashyq jáne qurǵaq bolady. Sondaı-aq QR soltústiginde, soltústik-batysynda jáne ońtústik-shyǵysynda atmosferalyq fronttardyń áseri saqtala otyryp, bul óńirlerde naızaǵaı, jańbyr jaýýyna áser etedi. Respýblıka boıynsha keı jerlerde jel kúsheıip, túnde jáne tańerteń shyǵysta, soltústikte tuman túsedi», delingen «Qazgıdromet» RMK habarlamasynda.
Qyzylorda, Túrkistan, Atyraý oblystarynyń basym bóliginde, Batys Qazaqstan oblysynyń batysynda, Abaı oblysynyń ońtústiginde tótenshe órt qaýpi saqtalady.
Kúndiz Atyraý oblysynyń basym bóliginde qatty ystyq bolýy múmkin.