О́tken jyldyń sáıkes kezeńimen salystyrǵanda 1,5 ese nemese 2 557,1 mlrd teńgege salyqtyq túsimderdiń óskeni baıqalady. Bul týraly Qarjy mınıstrliginiń Memlekettik kirister komıteti habarlady.
2022 jylǵy 7 aıda memlekettik bıýdjetke salyq túsimderi boıynsha jospar 104,6% oryndaldy. Jospar boıynsha 7 740,9 mlrd teńge, 352,2 mlrd teńgege asyra oryndalyp, naqty túskeni 8 093,2 mlrd teńgeni qurady.
Onyń ishinde:
- Respýblıkalyq bıýdjet 100,3% oryndaldy (jospar boıynsha 5 417,9 mlrd teńge, 18,1 mlrd teńgege asyra oryndaýmen 5 436,1 mlrd teńge tústi), ótken jylǵy sáıkes kezeńmen salystyrǵanda 1,6 ese nemese 1 934,6 mlrd teńgege ósti.
Jergilikti bıýdjet 114,4% oryndaldy (jospar boıynsha 2 323,0 mlrd teńge, 334,1 mlrd teńgege asyra oryndaýmen 2 657,1 mlrd teńge tústi) 2021 jylǵy sáıkes kezeńmen salystyrǵanda 30,6% nemese 622,4 mlrd teńgege ósti.Infografıkany jasaǵan Amangeldi Qııas, «EQ»
2021 jylǵy sáıkes kezeńimen salystyrǵanda respýblıkalyq bıýdjetke túsimderdiń eń kóp somasy korporatıvti tabys salyǵy boıynsha 731,2 mlrd teńgege nemese 1,8 ese, munaıǵa salynatyn eksporttyq keden bajdary boıynsha 490,7 mlrd teńgege nemese 1,9 ese, ishki óndiris taýarlaryna qosylǵan qun salyǵy 333,9 mlrd teńgege nemese 1,7 ese, úshinshi elderden ımportqa qosylǵan qun salyǵy 199,8 mlrd teńgege nemese 46,0%-ǵa, EAEO elderinen ımportqa qosylǵan qun salyǵy 90,2 mlrd teńgege nemese 18,9%-ǵa jáne paıdaly qazbalar óndirisine salyq 71,1 mlrd teńgege nemese 35,1%-ǵa óskeni baıqalady.
Túsimderdiń ósýine mynadaı faktorlar áser etti.
2022 jyly 7 aıda ótken jylǵy uqsas kezeńmen salystyrǵanda negizgi eksporttyq pozısııalarǵa, onyń ishinde munaıǵa 63,3%, myryshqa 30,9%, alıýmınııge 30,6%, qorǵasynǵa 5,5%, mysqa 3,2% jáne altyn 2,6% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 53,1%-ǵa ósti (1 tonna úshin ortasha mólsherlemesi 2021 jylǵy 7 aıynda – 57,9 dollar, 2022 jylǵy 7 aıynda 1 tonna úshin – 88,6 dollar).