CTS ortalyq kassasy mereke kúnderi, ıaǵnı 29 jáne 30 tamyz kúnderi de jumys isteıtin bolady. Mundaı sheshim ata-analardyń kólik kartasyn oqý jyly bastalǵanǵa deıin rásimdep úlgerýi úshin qabyldandy, dep habarlaıdy Egemen.kz qala ákimdiginiń resmı saıtyna silteme jasap.
CTS-te elordada Nur-Sultan qalasynda jáne qala mańynda turatyn jáne oqıtyn 18 jasqa deıingiler bilim alatyn oqý oryndarynyń (mektep, kolledj, ýnıversıtet) oqýshylary úshin ǵana tegin jol júrý múmkindigi bar ekenin eske saldy. Tegin júrý úshin ózińizben birge jeke kólik kartańyz bolýy kerek.
Aıta keteıik, 28 tamyz, jeksenbi kúni – ortalyq kassa úshin demalys kúni.
Qalǵan kúnderi kassa ádettegi rejımde jumys isteıdi.
Jumys ýaqyty: saǵat 09:00-den 18:00-ge deıin, túski úzilissiz. Jeksenbi-demalys.
Ortalyq kassanyń mekenjaıy: R.Qoshqarbaev dańǵyly, 50/1.