Qazaqstannyń birinshi raketkasy Aleksandr Býblık (álemniń 47-raketkasy) Nıý-Iorkte ótip jatqan US Open týrnıriniń ekinshi aınalymda jeńilip qaldy, dep habarlaıdy Egemen.kz Sports.kz saıtyna silteme jasap.
Qazaqstandyq tennısshi 1/32 fınalda Ispanııa ókili Pablo Karreno-Býstamen (álemniń 15-shi raketkasy) kezdesip, tórt sette 6:4, 4:6, 3:6, 6:7 esebimen oınady. Kezdesý úsh saǵat bir mınýtqa sozyldy.
Tartysty báseke barysynda Býblık 28 eıs jasap, 12 breık-poınttyń ekeýin ǵana paıdalandy. Qarsylasy 5 eıs, 3 breıkpen (8 breık-poınt) kózge tústi.
Buǵan deıin Ýımbldon chempıony Elena Rybakına jarystyń birinshi raýndynda álemniń 131-raketkasy fransýz Klara Býrelden jeńilip qalǵan bolatyn.