Bas qalaǵa ınvestısııa tartý úshin

2014 jyldyń 21 mamyry kúni Táýelsizdik saraıynda VII Astana ekonomıkalyq forýmy sheńberinde «Astana Invest 2014» V Halyqaralyq ınvestısııalyq forýmy ótedi. «Astana Invest 2014» forýmy Astana qalasyna ınvestısııa­lar tartýǵa, halyqaralyq yntymaq­tas­tyqty jaqsartý jáne Astana qalasy brendin ilgeriletýge baǵyttalǵan. Forýmnyń basty maqsaty – As­tana qalasynyń ınvestısııalyq múmkindikterin tanystyrý jáne aldaǵy ýaqytta qala ekonomıkasyna otandyq jáne sheteldik ınvestısııalar aǵyndaryn yntalandyrý bolyp tabylady. Bas qalanyń bolashaǵyna arnalǵan bul halyqaralyq basqosýǵa memlekettik organdar, ulttyq kompanııalar, damý ınstıtýttary, sheteldik kompanııalar, qarjy ınstıtýttary, Astana qalasynyń iri jáne orta bıznes ókilderinen 400-deı adamnyń qatysýy josparlanyp otyr. Forýmda Qazaqstannyń elor­dasyn ınvestısııalaýǵa Asta­nanyń álemdik «aqyldy qalalar» reıtıngine enýine jáne qalanyń ınfraqurylymyn EKSPO-2017 halyqaralyq mamandan­dyrylǵan kórmeni ótkizýge daıyndaýǵa baı­lanysty máseleler talqy­lanady. Sonymen birge, fo­rým qonaqtaryna biryńǵaı ındýs­trııa­lyq-ınnovasııalyq kórmesi sheń­berinde jáne Astana qalasynyń In­­dýstrııalyq parkine barý ke­zin­de elordanyń bolashaq ın­ves­tısııalyq jobalarymen ta­ny­­sýlaryna múmkindik ja­sala­dy. Osy júzdesýlerde áleý­et­ti ın­ves­torlarǵa óńirdiń bız­nesti júr­gizýdegi ekonomı­kalyq, quqyqtyq jáne basqa da jaǵdaılaryn zerdeleýge, Astananyń ınvestısııalyq usynystarymen tanysýlaryna, sondaı-aq, resmı jáne iskerlik qaýymy ókilderimen óńirlik ın­ves­tısııalyq yntymaqtastyqtyń keleshegin talqylaýǵa jan-jaqty jaǵdaı jasalady. Osy oraıda erekshe atap ótetin másele, ótken jyly forýmǵa 500 turaqty ınvestor qatysty. So­nyń nátıjesinde áleýetti ınvestorlarmen 1,5 mlrd. dollarǵa yntymaqtastyq týraly 10 memorandýmǵa qol qoıylyp, osy sharalar sheńberinde qala aýmaǵynda naqty jobalar júzege asyrylýda. «Egemen-aqparat».