2022 jylǵy 1 qyrkúıektegi jaǵdaı boıynsha 11 165 etnıkalyq qazaq tarıhı otanyna oralyp, qandas mártebesin aldy, dep habarlaıdy Egemen.kz Eńbek jáne halyqty áleýmettik qorǵaý mınıstrligine silteme jasap.
Mınıstrlik málimetinshe, 1991 jyldan bastap respýblıkaǵa barlyǵy 1 mln 99,1 myń etnıkalyq qazaq oraldy. Osy jyldyń basynan bastap Qazaqstanǵa kelgen qandastardyń jartysynan astamy (69,6%) О́zbekstannan, 10,5% – QHR-dan, 7,1% – Túrkimenstannan, 4,6% – Mońǵolııadan jáne 8,3% - basqa elderden kelgen.
Kelgen etnıkalyq qazaqtar negizinen Almaty (30,8%), Mańǵystaý (17,2%), Túrkistan (9,4%) jáne Jambyl (6,8%) oblystarynda, sondaı-aq Almaty (5,9%), Nur-Sultan (7,5%) jáne Shymkent (7,6%) qalalarynda qonystandy.
Osy jylǵy 1 qyrkúıektegi jaǵdaı boıynsha eńbekke qabiletti jastaǵy etnıkalyq qonys aýdarýshylardyń sany 59,5%-dy, eńbekke qabiletti jastan kishi adamdar 27,1% - dy jáne zeınetkerler 13,4% - dy quraıdy.
Eńbekke qabiletti jastaǵy qandastardyń bilim deńgeıi boıynsha 12,3% - y joǵary bilimdi, 38,9% - y arnaıy orta bilimdi, 47% - y jalpy orta bilimdi jáne 1,7% - ynyń bilimi joq.
Qazaqstan aýmaǵynda qandastardy tıimdi qonystandyrý maqsatynda Eńbek jáne halyqty áleýmettik qorǵaý mınıstrligi memlekettik organdarmen birlesip, respýblıkaǵa vızalyq rejımdegi elderden kelgen qandastardy qabyldaý, qonystandyrý jáne beıimdeý boıynsha ortalyq jáne jergilikti memlekettik organdardyń ózara is-qımylynyń qadamdyq algorıtmin ázirledi.
Bıylǵy 1 qyrkúıektegi jaǵdaı boıynsha osy algorıtmge sáıkes Túrikmenstannan kelgen 741 etnıkalyq qazaqqa turaqty turý úshin naqty óńirdi kórsete otyryp, tıisti vızalar berildi.
Búginde Túrkimenstannan kelgen 666 etnıkalyq qazaq joǵaryda kórsetilgen vızalar negizinde memlekettik shekaradan ótti. Onyń ishinde 59 adam Pavlodar oblysyna keldi, 162 adam jumys kúshi tapshy basqa óńirlerge qonys aýdarýǵa kelisti, 45 adam Mańǵystaý oblysyna qonystandyrý úshin ótinish berdi (negizdemeleri bar). Qalǵan etnıkalyq qazaqtar boıynsha jumys kúshi tapshy óńirlerge qonystandyrý jumystary júrgizilýde.