Parlament Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń Basshysy Máýlen Áshimbaev Sezd Hatshylyǵynyń HH otyrysyna qatysty, dep habarlaıdy Egemen.kz.
Sezd Hatshylyǵynyń HH otyrysyn ashqan Máýlen Áshimbaev sóz basynda qatysýshylarǵa jyly lebizin bildirdi.
«Biz búgin aldaǵy forýmǵa qatysty birqatar uıymdastyrý máselesin talqylap, taǵy bir pysyqtap alý úshin jınalyp otyrmyz. Aldymen, VII Sezdi uıymdastyrý jolynda birlesip atqarǵan aýqymdy jumystaryńyz úshin barshańyzǵa shyn kóńilden alǵysymyzdy bildiremiz. Bıylǵy Sezd álem úshin tarıhı jáne biregeı oqıǵaǵa aınalady desek, artyq bola qoımas», dedi ol.
Sondaı-aq bul koronavırýs pandemııasy bastalǵaly beri alǵash ret ótkizilip otyrǵan Álemdik jáne dástúrli dinder lıderleriniń Sezi ekenin eske saldy.
«Indet kezinde bizge dıalog pen tikeleı qarym-qatynas jetispegeni sózsiz. Sezd rýhanı kóshbasshylarǵa tikeleı suhbat qurýǵa, dinaralyq jáne órkenıetaralyq dıalogty nyǵaıtýdyń mańyzdy máselelerin birlesip qaraýǵa, sondaı-aq, álemdi alańdatqan ózekti problemalardy sheshý joldaryn talqylaýǵa úlken múmkindik beredi. Sondyqtan aldaǵy Sezd mazmundy ári tabysty bolady dep senemiz», dedi Máýlen Áshimbaev.