Sınoptıkter Qazaqstannyń toǵyz oblysynda daýyldy aýa raıy bolatynyn eskertti, dep habarlaıdy Egemen.kz.
Abaı aýdanynyń soltústik-batysynda, soltústiginde, shyǵysynda tótenshe órt qaýpi bar.
Aqtóbe oblysynyń ońtústigi men shyǵysynda tótenshe órt qaýpi saqtalady.
Kúndiz Atyraý oblysynyń batysynda, ońtústiginde ońtústik-shyǵystan soǵatyn jeldiń ekpini 15-20 m/s.
Shyǵys Qazaqstan oblysynyń soltústik-shyǵysynda túnde topyraq betine 1 gradýs úsik túsedi.
Batys Qazaqstan oblysynyń batysynda naızaǵaı kútiledi. Ońtústik-shyǵystan soǵatyn jel, kúndiz oblystyń ońtústiginde 15-20 m/s jel soǵady.
Qostanaı oblysynyń basym bóliginde joǵary órt qaýpi saqtalady. Qyzylorda, Pavlodar, Túrkistan oblystarynda tótenshe órt qaýpi jalǵasady.