Qosh keldiń, birinshi kýrs!

Saltanatty keshke qala ákimi Erbolat Dosaev, belgili ǵa­lym­dar, jazýshylar, estrada jul­dyz­dary, blogerler, ýnıversıtet oqytýshylary men stýdent­ter qatysty. Dástúrli mereke birinshi kýrs stýdentteri she­rýinen bastalyp, saltanatty is-sharaǵa jınalǵan 5 myń adam Án­uran­dy birge oryndady.

Ál-Farabı atyndaǵy QazUÝ basqarma tóraǵasy – rektory Janseıit Túımebaev birinshi kýrs stýdentterin aıtýly kún­men quttyqtaı otyryp, ýnı­versıtettiń qazirgi je­tis­­tik­te­ri týraly baıandady. Álem­dik reıtıngtegi kósh­bas­­shy oqý oryn­da­rynyń qata­ry­na qo­sylǵan ýnı­versıtetke Prezıdent Qasym-Jomart Toqaev bıyl al­ǵash ret kelip, jas­tar­men kez­desip, ýnıversıtetti damytý jóninde birqatar tapsyrma bergeni belgili. Memleket bas­shy­synyń qoldaýymen bıyl Túrkııanyń Ystanbul qalasy men Qyrǵyz Respýblıkasynyń astanasy Bishkekte QazUÝ fılıaldary ashyldy. Sonymen qatar QazUÝ-da Ǵylym jáne joǵary bilim mınıstri Saıasat Nurbektiń qatysýymen Reseıdiń MIFI Ulttyq ıadrolyq zertteý ýnıversıtetiniń fılıaly ashyldy.

Búginde ýnıversıtette 25 myń­ǵa jýyq stýdent oqıdy, olar­­dyń 2,5 myńǵa jýyǵy – álem­niń 50 elinen kelgen shetel­dik stýdentter. Jańa oqý jylynda QazUÝ-ǵa 7 690 stýdent qabyldandy. Memlekettik grant­ty 5 156 talapker utyp alsa, aqyly bólimge 2 534 stýdent tústi. Olardyń ishinde 672 Altyn belgi ıegeri, 619 úzdik attes­tat ıe­geri, 12 ǵylymı joba jeńim­pazy, 69 halyqaralyq jáne res­pýb­lıkalyq olımpıada júlde­ge­ri bar.

JOO basshysy óz sózinde ýnı­­versıtettegi fakýltetter, ka­fed­­ralar, ǵylymı-zertteý ıns­tıtýttary, ınnovasııalyq zerthanalar men ǵylymı ortalyq­tar­dyń barlyǵy tolyqqandy bilim alýǵa qyzmet etetinin jetkizdi. «Byltyrdan beri jataqhanalar men oqý korpýstary kúrdeli jón­deýden ótti. Bul jumystar bıyl da jalǵasyp jatyr. Aldaǵy ýaqytta jańa jataqhana salý jos­­parda bar. Osy ıgilikti durys paı­dalanyńyzdar. Ǵylym­dy ıge­rip, bilikti maman boly­ńyz­dar», dep stýdentterge úndeý tastady rektor.

Bıyl saltanatty rásim formaty dástúrli kilt berýden óz­geshe, jańa tehnologııalardy paıdalana otyryp júzege asty. Birinshi kýrs stýdentteri sahnadan derbes QR-kodyn skanerlep, erekshe sátke barshasy atsalysty. Saltanatty oqıǵa kon­serttik baǵdarlamaǵa ulasyp, sahnada «Ulytaý» etno-rok-toby, tanymal ánshi Gúlnur Ora­zymbetova, MALIKA YES, «Melomen» toby jáne ózge de estrada juldyzdary ánnen shashý shashty.

Merekede QazUÝ-dyń talant­ty, kreatıvti jastary óz óner­­lerin kórsetti. Hımııa jáne hı­mııalyq tehnologııalar, Bıo­lo­gııa jáne bıotehnolo­gııalar fa­kýl­tet­teriniń stýdentteri ýnıversıtet ǵalymdarynyń ǵy­ly­mı ja­ńalyqtarynyń tusaý­ke­serin ótkizdi. Kórer­mender «QazUÝ stý­dentteriniń sporttyq jetis­tik­teri» kompozısııasyn jáne «Chempıon» ánin qoshemetpen qarsy aldy, onyń aıasynda JOO sportshylaryna – halyqaralyq jáne ulttyq jarystardyń je­ńim­pazdaryna kýboktar tabys etildi. Qyzdar kvarteti «Qazaq, qyrǵyz bir týǵan» ánin áýelete shyrqady. Sondaı-aq «Farabı qyzdary», RAIM toby da sahnada án shyrqap, kórermenderdiń qoshemetine bólendi.

Jastar uıymdarynyń komı­teti daıyndaǵan túrli tústi flesh­­mob merekeniń sánin kel­tir­di. Stý­­dentter merekesi lazerlik shoý men bı keshine ulasty.

ALMATY