Qasym-Jomart Toqaev BUU Bas Assambleıasynyń 77-otyrysynda Eýropalyq komıssııa Prezıdenti Ýrsýla fon der Lıaıenmen kelissóz júrgizip, Qazaqstanǵa resmı saparmen kelýge shaqyrdy.
Taraptar Qazaqstan men Eýropalyq Odaq arasyndaǵy keńeıtilgen strategııalyq áriptestikti damytý perspektıvalaryn talqylady. Qazaqstan Prezıdentiniń 2021 jylǵy qarashadaǵy Brıýsselge resmı saparynyń qorytyndysy boıynsha qol jetkizilgen kelisimderdi júzege asyrýǵa erekshe nazar aýdaryldy. Atap aıtqanda, energetıka jáne kólik-logıstıka salalarynda jobalardy júzege asyrý máseleleri qozǵaldy.
Eýropalyq komıssııanyń basshysy Qazaqstanda júzege asyrylyp jatqan aýqymdy reformalardy joǵary baǵalady.