Osy jyldyń sońyna deıin eki eldi mekende baılanys stansııalary qoıylady, dep habarlaıdy Egemen.kz 24.kz saıtyna silteme jasap.
Shalǵaı aýyldarda halyq sany az bolǵandyqtan, operatorlar ǵalamtor jelisin tartýǵa asyqpaıdy. Endi bul máseleni sheshý maqsatynda joba ázirlendi. Keshendi jospar aıasynda baılanyssyz otyrǵan jerlerde geostasıonarlyq emes, spýtnıktik tehnologııany qoldaný josparlanǵan.
Sala mamandarynyń aıtýynsha, joba 2025 jylǵa deıingi merzimdi qamtıdy. Aldaǵy jyldary aımaqta, uıaly baılanys sapasy aıtarlyqtaı artyp, óńirdegi 300-den astam eldi meken turǵyndaryna qoljetimdi bolady.
«Ázirge mobıldi baılanys 1200 halqy bar taǵy 11 aýylda joq. Baılanys operatorlary bul eldi mekenderdi mobıldi ınfraqurylymdy damytý baǵdarlamasyna qosýdy josparǵa engizbegen. Qazirgi ýaqytta aýyldardy geostansıonarly emes spýtnıktik júıelerdiń kómegimen ınternetpen qamtý qarastyrylýda. Kelissózder júrgizilýde», deıdi oblystyq Sıfrlyq tehnologııalar basqarmasynyń basshysy Darhan Myrzabaev.