Memleket basshysy Qasym-Jomart Toqaev Shymkent qalasyna jasaǵan jumys sapary aıasynda Qazaqstan Respýblıkasyna aıryqsha eńbek sińirgen azamattardy marapattady, dep habarlaıdy Egemen.kz Prezıdenttiń baspasóz qyzmetine silteme jasap.
Memleket basshysynyń 2022 jylǵy 26 qyrkúıektegi №1023 Jarlyǵymen asa úzdik jetistikteri jáne Qazaqstan Respýblıkasyna sińirgen aıryqsha eńbegi úshin:
«Parasat» ordenimen Shymkent kelbeti» – «Panorama Shymkenta» gazetiniń bas redaktory Baqtııar Baıdýllauly Taıjanov;
«Qurmet» ordenimen Ǵylym jáne joǵary bilim mınıstrliginiń «Á.Marǵulan atyndaǵy arheologııa ınstıtýty» RMK bas dırektory Baýyrjan Ábishuly Baıtanaev;
«Qurmet» ordenimen Shymkent qalasy «№2 qalalyq aýrýhana» MKK dárigeri Esengeldi Ibragımuly Begeshev;
«Eren eńbegi úshin» medalimen «Shymkent qalasynyń keshendi joǵary sport sheberligi mektebi» KMM sportshysy Ksenııa Aleksandrovna Han;
«Shapaǵat» medalimen Shymkent qalasy «№ 89 IT mektep-lıseı» KMM tárbıeshisi Ásem Muhtarqyzy Úsenova nagradtaldy.