Sınoptıkterdiń málimetinshe, búgin elimizdiń soltústiginde, shyǵysynda, ortalyǵynda jaýyn jaýyp, batysta jáne ońtústik-shyǵysta, sondaı-aq taýly aımaqtarda jaýyn-shashyndy aýa raıy kútiledi, dep habarlaıdy Egemen.kz «Qazgıdromet» RMK-ǵa silteme jasap.
«Qazaqstannyń qalǵan bóliginde jaýyn-shashynsyz aýa raıy kútiledi. Respýblıka boıynsha keı jerlerde jeldiń kúsheıýi, batysta – naızaǵaı, shańdy daýyl, soltústikte – tuman, kóktaıǵaq kútiledi», delingen Qazgıdromet taratqan habarlamada.
Kúndiz Shyǵys Qazaqstan oblysynyń soltústigi men shyǵysynda qatty jaýyn-shashyn (jańbyr, qar) kútiledi.
Jambyl, Túrkistan, Qyzylorda oblystarynyń basym bóliginde, Atyraý oblysynyń ońtústiginde tótenshe órt qaýpi saqtalady.
Almatyda kóshpeli bult shyǵady, aýa temperatýrasy kúndiz 20-22 gradýs jyly bolady, jeldiń jyldamdyǵy sekýndyna 3-8 metrge jetedi.
Elordada jaýyn-shashyndy aýa raıy saqtalady. Aýa temperatýrasy 2-4 gradýs jyly bolady, jeldiń jyldamdyǵy sekýndyna 5-10 metrge jetedi.