Densaýlyq saqtaý vıse-mınıstri – Bas memlekettik sanıtarlyq dáriger Aıjan Esmaǵambetova OKQ brıfınginde Qazaqstandaǵy tumaýdyń shtammdary týraly aıtty, dep habarlaıdy Egemen.kz.
Aıjan Esmaǵambetovanyń aıtýynsha, elde jyl saıyn tumaý vırýsynyń aınalymy qarasha aıynan bastalyp, sáýir aıynyń ortasyna deıin sozylady.
«DDU málimetteri boıynsha aldaǵy epıdemııalyq maýsymda vırýstyń úsh shtammy ózekti bolady, olar A (H1N1), A (H3N2) jáne B», dedi Bas memlekettik sanıtarlyq dáriger.
Ol ótken jyly JRVI-men 3,9 mln adam aýyrǵanyn jáne 2019-2020 jylǵy epıdemıologııalyq maýsymmen salystyrǵanda respýblıka boıynsha syrqattaný 1,3 ese óskenin aıtty. О́sim Qaraǵandy oblysyn qospaǵanda, barlyq óńirlerde baıqaldy. Naýqastardyń 80%-y balalar men jasóspirimderge tıesili.
«Sonymen qatar jyl saıyn aınalymdaǵy shtammdar ózgerip otyratyny baıqaldy. О́tken maýsymda tumaý vırýsynyń 2 shtammy – A (H3N2) jáne B aınalymda boldy, barlyǵy 915 tumaý jaǵdaıy anyqtaldy, júıeleý nátıjeleri boıynsha shtammdar vaksınalyq shtammdarǵa sáıkes keldi», dep qosty vıse-mınıstr.
Qazaqstanda tumaýdan bólek basqa da vırýstar anyqtaldy. О́tken maýsymda barlyǵy 10 myńnan astam úlgi zertteldi, olardyń ishinde rınovırýs, MS vırýsy, adenovırýstyq ınfeksııa, paragrıpp, metapnevmovırýs, bokavırýstyq ınfeksııa anyqtaldy.
Bas sanıtarlyq dáriger aýrýdyń aldyn alýdyń eń tıimdi ádisi vaksınasııa ekenin atap ótti.