Elimizdiń 6 óńirinde aýa raıyna baılanysty daýyldy eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.
Jambyl oblysynyń taýly aımaqtarynda tuman kútiledi. Oblystyń ońtústik-batysynda, soltústik-shyǵysynda, taýly aımaqtarda ekpini 15-20 m/s jel turyp, 1-3 gradýs úsik júredi.
Jetisý oblysynyń Alakól kólderinde ońtústik-shyǵystan ekpini 29 m/s jel soǵady.
Batys Qazaqstan oblysynyń batysynda, soltústiginde tuman kútiledi. Ońtústik, ońtústik-shyǵystan soǵatyn jel ekpini 15-20 m/s. Oral qalasynda túnde jáne tańerteń tuman kútiledi.
Qaraǵandy oblysynyń ońtústik-shyǵysynda shyǵystan, soltústik-shyǵystan ekpini 15-20 m/s jel soǵady.
Túrkistan oblysynyń soltústigi men batysynda shańdy daýyl soǵady. Soltústik, batystan soǵatyn jeldiń kúshi oblystyń taýly jáne taý bókterindegi aýdandarynda 15-20 m/c, kúndiz taýly aımaqtarda ekpini 25 m/s. Oblystyń soltústiginde túnde topyraq betinde 2 gradýs úsik júredi. Aýdannyń basym bóliginde tótenshe órt qaýpi saqtalady.
Shymkentte kúndiz shyǵystan 15-20 m/s jel soǵady.