Elordada Astana Open ATP 500 týrnıriniń irikteý saıystary ótip jatyr. Qazaqstannyń juptyq syndaǵy ekinshi raketkasy Aleksandr Nedovesov kútpegen nátıjege qol jetkizdi, dep habarlaıdy Egemen.kz QTF saıtyna silteme jasap.
Jekeleı synda jarysty uıymdastyrýshylardan arnaıy shaqyrtý alǵan Nedovesov alǵashqy kezdesýinde álemniń 69-raketkasy, kolýmbııalyq Danıel Galandy 5:7, 7:6 (7:0), 6:2 esebimen utty. Birinshi partııada Aleksandr 4:1 esebimen alǵa shyqqanymen, sol basymdylyǵyn saqtaı almady. Ekinshi sette taı-breıkte 7:0 esebimen jeńse, sońǵy, sheshýshi partııany sátti ótkizdi.
Tartysty match eki saǵat jarymǵa jýyq ýaqytqa sozyldy.
Nedovesov irikteý saıystarynyń fınalynda túrkııalyq Jem Ilkel nemese qytaılyq Chjıchjen Chjannyń bireýimen negizgi týrnırge beriletin joldamany sarapqa salady. Taǵy bir qazaqstandyq Denıs Evseev álemniń 65-raketkasy, belgııalyq Davıd Goffenge ese jiberdi – 1:6, 4:6.
Aryslanbek Aıtqulov reseılik Pavel Kotovtan oısyraı utyldy – 0:6, 0:6. Al Grıgorıı Lomakın túrkııalyq Altýg Chelıkbelekten aılasyn asyra almady – 3:6, 3:6.