Aqtaýdaǵy «Mańǵystaý-arenada» sporttyq jáne jaýyngerlik sambodan Azııa kýbogyna halyqaralyq jarystar ótti. Onda 9 elden 200-ge jýyq sportshy kúsh synasty, dep habarlaıdy Egemen.kz.
Týrnırge Qorǵanys mınıstrligi Ortalyq sport klýbynyń ókilderi de belsendi qatysqan.
«Jarysta áskerı sportshylar 4 medal jeńip aldy. О́z salmaq dárejesinde óner kórsetken efreıtor Arnur Qýataı, sondaı-aq Qorǵanys mınıstrligi Ortalyq sport klýby sport rotasynyń jaýyngerleri Áset Anarbaev pen Esentaı Imahanov jeńimpaz atansa, Jasulan Narımanov ekinshi oryndy ıelendi», dep jazylǵan vedomstvonyń aqparatynda.
Qorǵanys mınıstrligi Ortalyq sport klýby ókilderiniń jetistikteri Qazaqstan quramasynyń týrnır qorytyndysy boıynsha jalpykomandalyq esepte jeńiske jetýine eleýli úles boldy.