Aqsý – múmkindikter shahary

Aqsýda qatarynan ekinshi jyl júzege asyrylǵan «Tugan Qala» baǵdarlamasy turǵyn­dar­dy qalany kórkeıtýge jumyl­dy­rýdy kózdeıdi. Tetigi óte qara­paıym: turǵyndar arnaıy por­talda óz jobasyn usynady, odan soń daýys berý arqyly júzege asyrylatyn úzdik jobalardy anyqtaıdy. Oǵan qajetti qarajat ERG men Pavlodar oblysy ákimdigi arasynda jyl saıyn jasalatyn memorandýmda qarastyrylǵan. Byltyr je­ńim­paz dep tanylǵan 16 joba bıyl iske asyryldy.

Atap aıtqanda, munda jańa­dan balalar jáne sport alań­dary, jaıaý júrginshi joldary, kólik jáne veloturaqtar, aıaldama pavılony men qoǵamdyq ájethana salynyp, qaıyq stansasy men qalalyq jaǵajaı abat­tan­dyryl­dy. Ásirese jaǵa­laý osy jazda adam tanymastaı ózgerdi. Tur­ǵyn Maksım Dýn­dý­kov usyn­ǵan joba arqyly Ertistiń arnasy tazartyldy. Bul iste EýrAzııa ener­ge­tı­ka korporasııasy kómek qolyn sozdy. Balshyq sorǵysh keme berip, qum tasyp, aǵash tapshandar men shaıynatyn kabınalar ornatty.

Al Asyl Ámirovtiń joba­sy­nyń nátıjesinde jaǵajaı aýma­ǵy ınklıýzıvti sıpat aldy. Arbaǵa tańylǵan jandar buryn jaǵa­jaıǵa sırek keletin. Endi jaǵdaı ózgerdi.

– Múmkindigi shekteýli adam­dar úshin jaǵajaıǵa kelip, qyz­dy­rynyp jatýyna múmkin­dikter qarastyrylmaǵan edi. Arbada otyrǵan qala turǵyn­da­rynyń laıyqty demalysyna jaǵdaı týdyrý kerek ekenin jobamda kórsettim. Onyń ústine bul úshin kóp dúnıe qajet emes edi, joldar men shezlongter alańyn jabdyqtap, sýǵa qaraı eńis jasasa jetip jatyr. Biz bul múm­kindikterdi iske asyrdyq. So­ny­men qatar qaýipsizdik úshin qorshaýy bar qosymsha aımaq qa­ras­tyrdyq, – deıdi joba avtory Asyl Ámirov.

Quptalyp, ómirsheń etilgen joba avtorlarynyń basym bóli­gi – ERG kásiporyndarynyń qyzmetkerleri. Aqsý ferro­qo­ryt­pa zaýytynyń dırektory Valentın Chıchıhınniń sózine qaraǵanda, osynyń bári kezinde Innovatorlar forýmyndaǵy «áleýmettik jobalar» baǵytynan bastalǵan. Búginde ol elimizdiń bes qalasynda júzege asyrylatyn «Tugan Qala» dep atalatyn tutas baǵdarlamaǵa aınaldy.

– Bizdiń sáýletti shaha­ry­myz­da belsendi, qala ómirine beıjaı qaramaıtyn adamdar turatyny qýantady. Kompanııa kóp­shiliktiń yntasyn jaqsy túsi­nip, turǵyndardyń ózderi tań­daý jasaıtyn jobalarǵa mu­ryndyq bolǵany kóńilimizdi mar­qaıtty. Bul – «Tugan Qala» jobasynyń alǵashqy qarlyǵash­ta­ry, mundaı jobalar áli de kóbeıetinine senimdimin, – deıdi Aqsý qalasynyń ákimi Nurlan Dúısembınov.

Qazir metallýrgter sha­ha­ryn­da «Tugan Qala» joba­sy­nyń ekinshi maýsymy ótip jatyr. Úz­dik bastamalardy anyqtaý úshin qala turǵyndary daýys be­rý­di bastap ketti. Jeńimpaz jo­balar 2023 jyly iske asyrylady. Kompanııa bir Aqsýdyń ózine 100 mln teńge bólmek.

Pavlodar oblysy,

Aqsý qalasy