Ulttyq bank Aqsha-kredıt saıasaty departamenti naqty sektor monıtorıngi basqarmasynyń bastyǵy Igor Osıpov eldegi ınflıasııa jaǵdaıyn túsindirdi, dep habarlaıdy Egemen.kz Ulttyq banktiń baspasóz qyzmetine silteme jasap.
2022 jyldyń qyrkúıek aıynda elde jyldyq ınflıasııa 17,7% (tamyzda – 16,1%) boldy. Aımaqtar arasynda jyldyq ınflıasııa 20 óńirde qarqyn aldy.
Eń joǵary kórsetkish Astana qalasynda tirkeldi (tamyzdaǵy 17,3%-dan qyrkúıekte 20,0%-ǵa deıin).
Azyq-túlik baǵasynyń ósý qarqyny qyrkúıekte j/j 22,2%-ǵa deıin ulǵaıdy (tamyzda – 20,8%). Osy topqa jatatyn taýarlardyń baǵasy Mańǵystaý oblysynda barynsha ósti (29,7%).
Azyq-túlikke jatpaıtyn taýarlar baǵasynyń ósý qarqyny j/j 17,0%-ǵa deıin jedeldedi (tamyzda – 15,5%). Eń joǵary mán Astana qalasynda (26,3%), eń tómengi mán Almaty qalasynda (13,8%) tirkeldi.
Aqyly qyzmet kórsetý baǵasy qyrkúıekte j/j 12,3%-ǵa ósti, bul rette jalpy respýblıkalyq deńgeıden edáýir joǵary baǵa Ulytaý oblysynda (16,5%) tirkeldi, Aqtóbe oblysynda (8,2%), kerisinshe, edáýir tómen ósti.
2022 jylǵy qyrkúıekte elde aılyq ınflıasııa 1,8%-dy qurady, bul sońǵy 5 jylda (2017-2021 jyldary: 0,3%) qyrkúıek aıyndaǵy ınflıasııanyń ortasha máninen birshama joǵary kórsetkish.
2022 jyldyń qyrkúıek aıynda baǵa barlyq óńirde ortasha tarıhı normasynan joǵary boldy. Aılyq ınflıasııanyń eń joǵary máni Astana qalasynda (2,8%) baıqaldy.