Atyraýda uıymdasqan qylmysqa qarsy kúres basqarmasynyń qyzmetkerleri jedel-izdestirý is- sharalaryn ótkizdi, nátıjesinde eki jergilikti turǵyn - ákesi men balasy ustaldy. Olardan 300 kelige jýyq bekire balyǵy tárkilendi, dep habarlaıdy Egemen.kz.
Kúdiktilerdiń biriniń úıiniń janyndaǵy Nıva avtokóligin, sondaı-aq garajdaǵy balyqty saqtaý ornyn tintý kezinde shamamen 300 kg bekire balyǵy tárkilendi.
Ákesi men balasy zańsyz aýlanǵan balyqty satýdy josparlaǵany anyqtaldy.
Qylmystyq is «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter nemese janýarlar túrlerimen, olardyń bólikterimen nemese derıvattarymen zańsyz qarym-qatynas» QR QK 339-baby boıynsha tirkeldi, onyń sheńberinde qajetti saraptamalar taǵaıyndaldy.
«Sotqa deıingi tergeý júrgizilýde, qylmystyń barlyq mán-jaılary anyqtalýda. Ustalǵandar qamaldy», delingen habarlamada.