Memleket basshysy Qasym-Jomart Toqaev Almaty oblysy jurtshylyǵymen kezdesýi barysynda Almaty oblysyn ekige bólý – aımaqtaǵy ahýaldy tereń oılastyra otyryp qabyldanǵan sheshim ekenin aıtty, dep habarlaıdy Egemen.kz.
«Bıyl meniń sheshimimmen elimizde birneshe oblys qaıta qurylǵanyn bilesizder. Jetisý jerinde derbes eki aımaq paıda boldy. Almaty oblysynyń ákimshilik ortalyǵy Qapshaǵaıdyń jaǵasyna kóshirildi. Jurttyń ótinishine saı qalaǵa Dinmuhamed Qonaevtyń esimi berildi. Muny, shyn máninde, tarıhı ádildiktiń ornaýy jáne halyqtyń ortaq qalaýy deýge bolady», dep atap ótti Qasym-Jomart Toqaev.
Prezıdent endi Almaty oblysynyń ortalyǵy tyń qarqynmen damıtynyn aıtty.
«Oblys ortalyǵy mártebesine ıe bolǵan Qonaev qalasy endi tyń qarqynmen damıtyn bolady. Burynǵy Almaty oblysyn ekige bólý – aımaqtaǵy ahýaldy tereń zerdelep, muqııat oılastyra otyryp qabyldanǵan sheshim», dedi Memleket basshysy.