Ulttyq tasymaldaýshy kompanııa poıyzdaǵy joǵarǵy jáne tómengi oryndardyń baǵasynda 20 paıyzdyq aıyrmashylyq bolatynyn aıtty, dep habarlaıdy Egemen.kz.
«Pılottyq rejımde «Jolaýshylar tasymaly» AQ 2022 jylǵy 1 jeltoqsannan bastap 2023 jylǵy 28 aqpanǵa deıin jóneltiletin kommersııalyq poıyzdar vagondaryndaǵy joǵarǵy jáne tómengi oryndarǵa jol júrý qunyna saralanǵan tásildi engizedi. Joǵarǵy jáne tómengi oryndar arasyndaǵy jol aqysynyń aıyrmashylyǵy 20% quraıdy.
Joba vagondaǵy oryndardy birkelki bólý, sondaı-aq jolaýshylardyń tómengi oryndarǵa degen suranysyn qanaǵattandyrý maqsatynda júzege asyrylady», delingen habarlamada.
Málimetke saı, saralanǵan tásil kelesi jolaýshylar poıyzdarynda qoldanylady:
№ 111/112 «Almaty-Mańǵystaý»; № 51/52 «Almaty-Oral»; № 105/106 «Almaty-Petropavl»; № 71/72 «Astana-Shymkent»; № 29/30 «Almaty-Atyraý».Bul tásil pılottyq rejımde 2022 jyldyń 1 jeltoqsanynan 2023 jyldyń 28 aqpanyna deıin qoldanylady.