Memleket basshysy Qazaqstan halqynyń jáne jeke óziniń atynan Rıshı Sýnakty Ulybrıtanııa jáne Soltústik Irlandııa Birikken Koroldiginiń Premer-mınıstri qyzmetine taǵaıyndalýymen quttyqtady, dep habarlaıdy Egemen.kz Prezıdenttiń baspasóz qyzmetine silteme jasap.
Qasym-Jomart Toqaev Rıshı Sýnaktyń kóshbasshylyq qasıeti men ózgerister baǵdarlamasy Ulybrıtanııany qýatty ári turaqty etýde sheshýshi ról atqaratynyna senim bildirdi.
«Qazaqstan Ulybrıtanııamen aradaǵy berik dostyq, ózara qurmet pen senimge negizdelgen uzaq merzimdi strategııalyq seriktestikti joǵary baǵalaıdy. Bizdiń yntymaqtastyǵymyz saıası jáne ekonomıkalyq qarym-qatynastardy nyǵaıtýǵa septigin tıgizip, dostas memleketterimizdiń ıgiligi jolynda odan ári damýǵa jańa múmkindikter ashady dep senemin», delingen Prezıdent joldaǵan jedelhatta.