TMD Atqarý komıtetiniń tóraǵasy Sergeı Lebedev Qazaqstan árqashan TMD aıasyndaǵy kópjaqty yntymaqtastyqtyń bastamashysy jáne lokomotıvi bolǵanyn málimdedi, dep habarlaıdy Egemen.kz.
«Bıyl úkimet basshylary keńesiniń otyrysyn sátti ótkizýge jáne Qazaqstan Respýblıkasynyń Táýelsiz Memleketter Dostastyǵyna tabysty tóraǵalyq etýine joǵary baǵa bergim keledi. Bizdiń qazaqstandyq dostarymyzdyń tóraǵalyǵymen qonaqjaı Qazaqstan jerinde de, odan tys jerlerde de kóptegen mańyzdy is-sharalar ótkizildi», dedi Sergeı Lebedev Astanadaǵy TMD úkimet basshylary keńesiniń otyrysyn qorytyndylap.
Ol Qazaqstan árqashan TMD aıasyndaǵy kópjaqty yntymaqtastyqtyń bastamashysy jáne lokomotıvi bolǵanyn atap ótti.
«Qazaqstannyń tóraǵalyǵy aıasynda tabysty iske asyrylǵan bastamalar usynyldy», dep qosty S.Lebedev.