«Egemen Qazaqstan» gazeti jas jýrnalısterge arnalǵan konkýrs jarııalady

Jalpy erejeler

1.1. Baıqaýdy uıymdastyrýshy – «Egemen Qazaqstan» RG» JShS. Ornalasqan mekenjaıy: Astana qalasy, 010000, «Egemen Qazaqstan» gazeti kóshesi 5/13.

1.2. «Egemen Qazaqstan» gazetiniń jas jýrnalısterge arnalǵan syılyǵy úshin konkýrs jylyna bir ret jarııalanady.

1.3. Konkýrsqa 18 ben 35 jas aralyǵyndaǵy jýrnalıster qatysa alady.

1.4. Úmitkerlerdiń materıaldary konkýrs jarııalanǵan kúnnen bastap, 1 aı merzim ishinde qabyldanady (2022 j. 2 qarashadan bastap 2 jeltoqsan saǵ.: 18:00-ge deıin).

1.5. Konkýrstyń taqyryby jyl saıyn ózgerip turady jəne ony «Egemen Qazaqstan» RG» JShS redaksııa alqasy bekitedi.

1.6. Konkýrsqa kelip túsken materıaldardy «Egemen Qazaqstan» gazetiniń redaksııa alqasynan quralǵan komıssııa (budan əri – Konkýrstyq komıssııa) baǵalaıdy.

Konkýrsqa qatysý sharty

2.1. Konkýrsqa «Egemen Qazaqstan» gazetinde jəne egemen.kz saıtynda jarııalanǵan habarlandyrýda usynylǵan taqyrypqa səıkes keletin baǵytta jazylǵan jəne «Egemenniń júldesi úshin konkýrsqa» degen aıdar qoıylǵan materıaldar qabyldanady.

«Egemen Qazaqstan» gazetiniń jas jýrnalısterge arnalǵan syılyǵy 2022 jyly «Respýblıkam meniń» degen taqyryp aıasyndaǵy 3 atalym boıynsha – «Úzdik tanymdyq materıal», «Úzdik jýrnalıstik zertteý» jəne «Úzdik fotoreportaj» úshin jarııalanady. Úmitkerlerdiń maqalalary týǵan jer, memlekettik jəne ulttyq qundylyqtar taqyrybyn qamtyp, tarıhı-tanymdyq turǵydan jazylýy nemese ózekti məselelerdi qozǵaýǵa tıis.

2.2. Konkýrsqa arnalǵan materıaldar Times New Roman 14 shrıftimen 1,5 ıntervalynda jazylyp, kólemi 5 betten aspaýǵa tıis. Sapaly sýretterin qosa jiberýge bolady.

2.3. Konkýrsqa buryn basqa basylymdarda jarııalanbaǵan materıal men sýretter ǵana qabyldanady. Bul jaýapkershilik avtorǵa júkteledi.

2.4. Konkýrsqa arnalǵan materıaldar info@egemen.kz elektrondy baılanys jelisine «Egemenniń júldesi úshin konkýrsqa» degen aıdarmen jiberilýi qajet.

Konkýrs qorytyndysy

3.1. Konkýrstyq komıssııa konkýrs qorytyndysyn materıal qabyldaý aıaqtalǵan kúnnen bastap, 1 (bir) jumys aptasy ishinde shyǵarady.

3.2. Konkýrstyq komıssııanyń sheshimine səıkes, «Úzdik tanymdyq materıal», «Úzdik jýrnalıstik zertteý» jəne «Úzdik fotoreportaj» dep tanylǵan materıaldardyń avtorlary marapattaýǵa usynylady. Olardyń ərqaısysyna ult ustazy Ahmet Baıtursynuly, tuńǵysh jýrnaldyń redaktory Muhamedjan Seralın jəne kórnekti qalamger Sherhan Murtaza atyndaǵy arnaıy dıplom, kədesyı jəne 200 000 (eki júz myń) teńge aqshalaı syılyq tapsyrylady;

Qosymsha yntalandyrý syılyǵy Konkýrstyq komıssııanyń usynysymen taǵaıyndalýy múmkin.

3.3. Konkýrs jeńimpazdary jeltoqsan aıynyń úshinshi aptasynda marapattalady. Marapattaý rəsimi ótetin ýaqyt pen oryn qosymsha jarııalanady.