Almaty qalasynda ornalasqan mekemelerdiń birinde adamdar jappaı tóbeles shyǵarǵan. Oqıǵa ornynan túsirilgen vıdeorolık áleýmettik jelide tarady, dep habarlaıdy Egemen.kz.
Qalalyq polısııa departamenti bul faktini Medeý aýdanynyń polısııa bólimi tergep jatqanyn habarlady.
«Ol QR QK-niń 293-baby «Buzaqylyq» boıynsha sotqa deıingi tergep-tekserýdiń biryńǵaı tiziliminde tirkelgen. Qazirgi ýaqytta tóbeleske qatysqan bes adam ustaldy. Olardyń árqaısysynyń is-áreketine quqyqtyq baǵa beriledi. Bolǵan jaǵdaıdyń sebepteri anyqtalýda», delingen polısııa departamentiniń baspasóz qyzmeti taratqan habarlamada.