Atyraý qalasynda emhana ǵımarattary tapshy. Bul týraly Qasym-Jomart Toqaev Atyraý oblysynyń jurtshylyǵmen kezdesý barysynda aıtty, dep habarlaıdy Egemen.kz.
«О́ńirdiń densaýlyq saqtaý júıesin damytýǵa basa mán bergen jón. Oblysta ókpe jáne júrek-qan tamyrlary aýrýyna shaldyqqan naýqastardyń sany kóbeıip barady. Ana men bala ólimi de az emes. Buǵan óńirdegi ekologııalyq ahýaldyń nasharlyǵy, bilikti dárigerlerdiń tapshylyǵy sebep bolyp otyr. Osy oraıda, basty mindettiń biri – medısınalyq ınfraqurylymdy jaqsartý», dedi Prezıdent.
Sondaı-aq Memleket basshysy Atyraý qalasynda emhana ǵımarattary tapshy ekenin atap ótti.
«Oblystaǵy medısına mekemeleriniń 40 paıyzǵa jýyǵy osyndaı jaǵdaıda jumys istep jatyr. Psıhıkalyq densaýlyq ortalyǵy, onkologııalyq dıspanser, jedel járdem stansııalarynyń jaǵdaıy syn kótermeıdi. Tipti, bul mekemelerdiń ǵımarattary paıdalanýǵa jaramsyz. Osy máseleniń bárin shuǵyl sheshý qajet», dedi Toqaev.