Memleket basshysy Atyraý oblysynyń ekologııasyna alańdaýshylyq bildirdi, dep habarlaıdy Egemen.kz.
«Atyraýdyń ekologııalyq ahýalyn jaqsartyp, kógaldandyrý kerek. Ekologııa halyqtyń densaýlyǵy men turmys sapasyna tikeleı áser etetini belgili. Sondyqtan, tabıǵatty qorǵaý – memleket úshin eń mańyzdy mindettiń biri. Iri munaı-gaz kompanııalarynyń qyzmeti óńirdiń ekologııalyq ahýalynyń nasharlaýyna ákep soqtyrýda. «Sasyq saıdaǵy» («Týhlaıa balka») jaǵdaı birtindep ońala bastady. Alaıda, Atyraý munaı óńdeý zaýytynyń qyzmetine ekologtardyń kóńili tolmaıdy. Jaqynda ǵana zaýytta aýqymdy jańǵyrtý jumystary júrgizildi. Degenmen, ondaǵy tehnologııalyq jáne basqarý úderisteriniń sapasyn áli de jetildire túsý qajet. Ekologtar zaýyttyń zııandy qaldyqtary shekti normadan jıi asyp ketetinin aıtady. Buǵan jol berýge bolmaıdy», dedi Qasym-Jomart Kemeluly.
Prezıdenttiń aıtýynsha, ekonomıkalyq kórsetkishter mańyzdy. Biraq, halyqtyń densaýlyǵy – odan da mańyzdy.
«Sondyqtan, kásiporyndar tabıǵatqa zııanyn tıgizbeýi qajet. Men muny oblystaǵy alpaýyt óndiristerge, ásirese, munaı-gaz kompanııalaryna qarata aıtyp otyrmyn. Zııandy zattardyń shekten tys shyǵarylýyna jol bermeı, qatań baqylaý jasaý kerek. Ekologııalyq tólemder tabıǵatty qorǵaý máselelerin naqty sheshýge jumsalýǵa tıis. Aýanyń lastanýyna qatysty taǵy bir másele – qoqys polıgondary. Atyraýdyń irgesindegi eski qoqys polıgonyn retke keltirý qajet. Sondaı-aq, qatty turmystyq qaldyqtardy irikteıtin jańa keshendi tezdetip salý kerek», dedi Q.Toqaev.
Sonymen qatar Prezıdent Jaıyqtyń tartylýy jurtty qatty alańdatyp otyrǵanyna toqtaldy.
«Darııanyń deńgeıi sońǵy jyldary tómendep ketti. О́zen ańǵarynyń ekologııalyq ahýaly kúrt nasharlap, lastaný kórsetkishi boıynsha eń sońǵy, ıaǵnı besinshi dárejege jetti. Men osy kúrdeli máseleni birneshe ret halyqaralyq deńgeıde kóterdim. Qazaqstan men Reseıdiń arasynda birqatar kelisim-shartqa qol qoıyldy. Ekologııany, transshekaralyq ózenderdiń bıoálemin saqtaý jáne ony tıimdi paıdalaný tártibin retteıtin quqyqtyq negiz bar. Kórshi elmen osy baǵyttaǵy áriptestikti nyǵaıtyp, kelisimderdiń múltiksiz oryndalýyna kúsh salý kerek. Bul iste bárin osy óńirdegi memleketterdiń ókilderine ǵana júktep qoıýǵa bolmaıdy. Sarapshylar, kásipkerler, úkimettik emes uıymdar jáne qoǵam belsendileri de óz mindetin atqarýǵa tıis. Jaıyqty saqtaýǵa bárimiz kúsh jumyldyrýymyz kerek», dedi Memleket basshysy.
Onyń paıymdaýynsha, ekologııalyq ahýaldyń nasharlaýy kóptegen salaǵa kesirin tıgizedi.
«Naqty sharalardy búgin qabyldamasaq, erteń kesh bolýy múmkin. Sondyqtan, tabıǵatty qorǵaýǵa qatysty kez-kelgen zań buzýshylyqtyń jolyn kesý kerek. О́zenniń ańǵaryn túgel tekserip, ondaǵy nysandardyń zańdylyǵyn muqııat qaraý qajet. Jaıyq ózeniniń boıyn tazalap, ekojúıeni qalpyna keltirý úshin naqty sharalar qabyldaý kerek. Bul – oblys ákiminiń jáne Úkimettiń tikeleı mindeti», dep naqtylady Qasym-Jomart Kemeluly.
Al bul maqsat tolyq júzege assyn desek, ekologııalyq mádenıettiń deńgeıin kóterý kerek.
«Resýrs únemdeıtin tehnologııalardy engizip, sý tutyný kólemin azaıtý qajet. Atyraý qalasyn kógal-dandyrýǵa basa mán bergen jón. Qomaqty qarjy bólinip, jyl saıyn naqty jumys istelip jatsa da, onyń nátıjesi shamaly. Jańadan otyrǵyzylǵan aǵashtar jersinbeı, qýrap jatyr. Bul iste tıisti mamandardyń jáne ǵalymdardyń usynystaryn eskergen jón. Qarjyny tıimsiz jumsaı bergendi doǵarý qajet. Basty maqsat – bıýdjetti ıgerý emes. Naqty nátıje shyǵarý úshin jumysty muqııat oılastyryp, sapaly oryndaý kerek. Sonda ǵana Atyraý, shyn máninde, jasyl qalaǵa aınalady», dedi Prezıdent jergilikti jurtshylyqpen kezdesýinde.
Eske salaıyq, búgin Prezıdent Qasym-Jomart Toqaevtyń Atyraý oblysyna jumys sapary bastaldy.