Muǵalimder quqyqtary buzylǵan jaǵdaıda Oqý-aǵartý mınıstrliginiń Telegram-chatyna jaza alady, dep habarlaıdy Egemen.kz mınıstrliktiń baspasóz qyzmetine silteme jasap.
Ol úshin arnaıy chat iske qosyldy. Qazirdiń ózinde chatqa 2 myńnan astam adam tirkelgen.
Bul chatta muǵalimder óz quqyqtarynyń buzylǵany týraly habarlaı alady. Mysaly, mindetten tys fýnksııalarǵa tartý, shamadan tys esep berý jáne t.b. Telegramdaǵy chatqa kelgen barlyq aqparat tekserilip, departament mamandary jaýap beretin bolady.
«Muǵalimder shamadan tys esep berýden bosatyldy. Qazirgi kúni pedagogter kúnine tek eki qujatty, ıaǵnı synyp jýrnalyn men qysqa merzimdi (sabaq) josparyn toltyrýy kerek. Qujattardyń naqty tizimi bar jáne ony barlyǵy saqtaýy qajet. Mektep ákimshiligi muǵalimderden basqa qujattardy toltyrýdy talap etýge quqyǵy joq. Eger muǵalimderdiń quqyqtaryn buzý faktileri anyqtalsa, onda komıtet tıisti sharalardy qabyldaıdy. Sonymen qatar óńirlerde aýmaqtyq departamentter janynan pedagogıkalyq ádep jáne muǵalimderdiń quqyqtaryn qorǵaý jónindegi keńester jumys isteıtinin eske salamyz», dedi Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy Ernur Dáýenov.