Ispanııa quramasy Shotlandııanyń Glazgo qalasynda ótip jatqan álem birinshiliginiń ekinshi oıyn kúninde Qazaqstan quramasyn 3:0 esebimen jeńdi, dep habarlaıdy Egemen.kz Qazaqstan tennıs federasııasynyń baspasóz qyzmetine silteme jasap.
Sońǵy juptyq oıynda Anna Danılına men Iýlııa Pýtınseva Paýla Bados pen Alena Bolshovadan 4:6, 2:6 esebimen jeńildi.
Tennısten áıelder quramasynyń kapıtany Iаroslava Shvedova álem chempıonatynyń qorytyndysyn shyǵardy.
«Keshe Ulybrıtanııamen ótken matchta qyzdar jaqsy nátıje kórsetti. Al búgin óte qıyn kún boldy, ıspandyqtar myqty boldy. Bizdiń qyzdar sońyna deıin shaıqasty, biz jeńiske jetý úshin qoldan kelgenniń bárin jasadyq. Jarystyń birinshi kúninde biz týrnırdiń qojaıyndary - Ulybrıtanııany jeńdik. Endi kelesi kezdesýlerge daıyndalamyz», dedi Iаroslava Shvedova matchtan keıingi baspasóz máslıhatynda.