QR Prezıdenttigine úmitkerlerdiń saılaýaldy teledebatynda prezıdenttikke úmitker Qasym-Jomart Toqaevtyń ókili Erlan Qoshanov qarsylasy Meıram Qajykennen Qazaqstandy sıfrlandyrýdyń damýy týraly surady, dep habarlaıdy Egemen.kz.
Erlan Qoshanov sıfrlyq tehnologııalarǵa úlken úles qosylyp jatqanyn atap ótti. Bolashaqta Qazaqstan óńirlik sıfrlyq habqa aınalady. Al sıfrlandyrýdyń el ekonomıkasyna qosatyn úlesi eki eseden astam artady. IT sektorynda 150 myńǵa jýyq jańa sapaly jumys oryndary ashylady.
«Biz sizdiń baǵdarlamańyzdy taldadyq jáne sıfrlandyrý bastamalaryn kórmedik. Sizdiń Qazaqstandaǵy sıfrlandyrýdy damytýǵa degen kózqarasyńyzdy bilgimiz keledi», dedi Erlan QoshanovQoıylǵan saýalǵa jaýap bergen Meıram Qajyken birde-bir zamanaýı ekonomıka sıfrlandyrýsyz júre almaıtynyn, óıtkeni bul zaman talaby ekenin alǵa tartty.