Salyqtan jaltarǵannyń sazaıy

Pavlodar oblysy bo­ıynsha ekonomıkalyq tergeý depar­ta­mentiniń qyzmetkerleri «Sotıs-Bı» JShS-niń basshy­sy M.Býdaevtyń memleket bıýd­je­tine salyq tólemeı, jal­tar­ǵanyn anyqtaǵan. Qyzyq bol­ǵanda kásipker azamat 2018-2021 jyldar ara­ly­ǵynda kom­pa­nııa­nyń kirisi men shyǵys­ta­ry týraly burmalanǵan má­li­met­ter­ge toly salyq dek­larasııalaryn engizip, salyq organdaryn alda­ǵan. Osylaısha, onyń qyl­mystyq áreketinen mem­leket bıýdjetine 165 mln teńgeniń zııany keltirilipti. Fırma basshysy birneshe salyq túrleri jáne ózge de tó­lemder boıynsha oryn alǵan materıaldyq shy­ǵynǵa jaýapty sanalyp otyr.

Qylmystyq ko­dek­stiń 245-ba­­byna sú­ıensek, seriktestik bas­­­shysyna 200 aılyq eseptik kórsetkishke de­ıin aıyppul salynyp, túzeý ornyna nemese qoǵamdyq jumysqa jibe­rilýi, sondaı-aq bas bos­tan­dyǵy úsh jylǵa deıin shektelýi (nemese bas bostandyǵynan aıyrylýy) múmkin.

Pavlodar qalasyn­da­ǵy №2 sotynda M.Bý­daevtyń isi qara­lyp, Qyl­mystyq kodekstiń jo­ǵa­ryda atalǵan baby boıyn­sha azamat aıypty dep tanyldy. Ká­sip­ker qarjylyq jáne kommersııalyq uıym­darda bas­shy­lyq qyz­met­ter­di atqarý qu­qy­­ǵynan aıyryldy. Al negizgi jazadan raqym­shylyq boıynsha bosatyldy.

Ekonomıkalyq tergeý depar­tamenti maman­da­rynyń só­zin­she, memleket tarapynan be­ri­lip jatqan múmkindikterge qaramastan, keıbir bıznesmender salyǵyn jasyryp, kóldeneń paıda tabýdan úmittenedi. Sa­lyq júıesine engizilgen soń­ǵy jańashyldyqtar men jumystyń jańa tártipteri mundaı qyl­mys­tardyń aldyn alýda zor septigin tıgizedi eken.

«Damý» kásipkerlikti damytý qorynyń óńirlik fı­lıa­ly dırektorynyń oryn­­basary Aıgúl Áli­­be­kovanyń aıtýyn­sha, jyl basynan beri jer­gi­lik­ti kásipkerlerdiń 1,1 myń jobasy memleket tarapynan qoldaý tapqan. Paıyzdyq mól­sher­le­me­lerdi sýb­sı­dııa­­laý men kepildi ne­sıeler baǵ­­dar­la­ma­la­ryn qol­dan­ǵan kóp­­tegen fırma óz sharýa­syn túzetip, damýǵa bet bur­ǵan.

– Pavlodarlyq bız­­­nes ıeleri kásip­ker­­­lerdi qoldaýǵa ar­nalǵan memlekettik baǵ­darlamalarǵa belsene qatysýda. Bıylǵy 9 aıda jalpy somasy 66 mlrd teńge bolatyn nesıeni sýbsıdııa­laý boıynsha 590 shart­qa qol qoıyldy. Kepildik berý baǵyty bo­ıynsha 13,7 mlrd teń­gege 521 shart jasaldy, kepil so­malardyń jalpy qu­ny 6,8 mlrd teń­ge­ni qurap otyr. Ne­giz­gi qol­daýdy orta, sha­ǵyn jáne mıkrobız­nes ıe­len­di, – deıdi ol.

Pavlodar oblysy