«Dostyqta» jaıly mektep salynady

Oblys ortalyǵynyń ońtústik-shyǵysynda búginde «Dostyq» atty jańa shaǵyn aýdan qarqyndy salynýda. Qazirgi kúnge deıin bul aýmaqta 6 turǵyn úı paıdalanýǵa berilip, 500-ge jýyq otbasy jańa páterlerge qonystanǵan. Aýdanda taǵy 8 kópqabatty úıdiń qurylysy aıaqtalýǵa jaqyn. Pav­lo­dar qalasy ákimdiginiń bas­pa­sóz qyzmeti habarlaǵandaı, bul úılerdiń altaýy jyl sońyna de­ıin «Shańyraq» jáne «Baqytty ot­ba­sy» baǵdarlamalary aıasynda tap­syrylmaq.

Oblys ákimi Ábilqaıyr Sqa­qov jańa shaǵyn aýdanda sa­ly­nyp jatqan turǵyn úı qu­ry­­­lysynyń standarttaryn bi­riz­­dendirý kerek dep sanaıdy. Barlyǵy «Dostyq» shaǵyn aýda­nynda 8 myńǵa jýyq páter tur­ǵyzylyp, 20-25 myń azamatty baspanamen qamtamasyz etý josparlanǵan. Turǵyn úılerden basqa shaǵyn aýdanda qajetti áleýmettik ınfraqurylymdar qarastyrylǵan. Atap aıtqanda, árqaısysy 1 200 oryndyq eki balabaqsha, 2 myń oryndyq eki mektep, medısınalyq, sporttyq mekemeler men rekreasııalyq aımaqtar. Jańa turǵyn úı salý kezinde merdigerler kedergisiz orta qurýǵa mán berýde. Kópqabatty úılerdiń kireberisteri pandýs­tar­men jabdyqtalady, al jańa ǵımarattardyń ishindegi ta­­­­bal­dyryqtar keńeıtiledi. Qurylysshylar ata-analardyń da múddelerin eskerýi kerek. My­saly, salynyp jatqan úıler­diń birazynda sábılerge arnalǵan arbalardy ornalastyrý bólmesi qarastyrylǵan.

«Dostyq» shaǵyn aýdanynyń jobalyq aýqymy 95 gektardy quraıdy. Turǵyn úıler úsh kezeń boıynsha salynyp jatyr. Qazirgi ýaqytta birinshi kezeńniń qu­ry­ly­sy qarqyndy júrgizilýde. Pav­lodar qalasynyń ákimi Asaıyn Baıhanovtyń sózine qara­ǵan­da, mun­­da №15, 16, 17 turǵyn úı­ler sa­lynyp bolyp qalǵan. Ǵı­ma­­rat­tarǵa jylý, sý jáne elektr ja­ryǵy jelileri tartylyp, pá­ter­lerdiń ishinde árleý ju­mys­ta­ry júrgizilýde. Úı aýlalaryn abattandyrý, asfalt pen jaıaý júrginshiler jolyn tóseý sekildi sharalar máresine jetti.

Al oblystyq qurylys basqar­masynyń basshysy Qadyljan Sátıev bas josparǵa sáıkes, atal­ǵan shaǵyn aýdandaǵy 65 blok-seksııada 12 qabatty úıler jáne taǵy alty aýmaqta 16 qabatty úıler ornalasatynyn aıtady. Aýdanda balalar jáne eresekter emhanasy, sondaı-aq muz saraıy salynady dep josparlanǵan. Buǵan qosa 6 fýtbol alańy men 10 balalardyń oıyn alańy jabdyq­tal­maq.

Aımaqtyń 2022 jylǵy bıýd­je­tin naqtylaý sharalary aıasynda buǵan deıin memleket-je­kemenshik áriptestigi aıasynda qol­ǵa alynǵan birqatar jo­ba­ny ulttyq baǵdarlamalar aıasynda júzege asyrý kózdelip otyr. Sonyń biri – «Dostyq» shaǵyn aýdanynda boı kóteretin jańa mektep. О́ńirlik ekonomıka jáne bıýdjettik josparlaý basqarmasynyń basshysy Irına Nazarchýk «Memleket-jekemenshik áriptestigi týraly» zańnyń 24-babyna sáıkes oqý ornynyń qurylysyn «Jaıly mektep» ulttyq jobasyna aýys­tyrý týraly máseleni oblys­tyq máslıhattyń sessııasynda kóterip, usynys depýtattar tara­pynan qoldaý tapty. Aldaǵy ýaqytta bilim ordasy jańa stan­dart­tarǵa negizdelip salynatyny aýdanǵa qonystanǵan ata-analardy aıryqsha qýantyp otyr.

«Dostyqtan» páterli bolǵan Janar Semeeva eki balasynyń «Ýsolka» shaǵyn aýdanyndaǵy №25 mektepte oqıtynyn aıtady.

– Biz turatyn aýmaq qala orta­­ly­ǵynan shetkerirek, áýejaı­ǵa qaraı ornalasqan. Infraqu­rylymdar qoljetimsiz, áleýmet­tik nysandar da endi-endi salyna bas­tady. Irgemizdegi «Saıajaı» sha­ǵyn aýdanyndaǵy mektep unamaǵandyqtan «Ýsolkadaǵy» qazaq mektebine balalarymyz baryp-kelip oqyp júr. Endi ózimizde ashylatyn bilim ordasy memlekettik tilde bilim bere­tin oqý orny bolady degen seni­mi­miz zor. Sebebi bul aýmaqta tura­tyn­dardyń barlyǵy derlik – ózimizdiń qarakózderimiz. Mektep iske qosylsa, balalarymyzǵa bu­ryn­­ǵydaı alańdamaıtyn bolamyz, – deıdi ana.

Jańa aýdandaǵy turǵyn úıler men áleýmettik nysandardy sapaly jylýmen qamtamasyz etý shara­lary da qazirden qolǵa alynýda. Byltyr munda TM-42 jylý magıstraly salynǵan. Qalanyń ońtústik bóligindegi jylý torap­ta­rynyń gıdravlıkalyq rejimin jaqsartýǵa arnalǵan nysan úshin sorǵy stansasy da turǵyzyldy. Alaıda onyń qýattylyǵy jet­peı­tini belgili bolyp, aýmaqta bıyl taǵy bir rezervtik stansa qu­rylysy bastalǵan. Qazir munda jabdyqtardy ornatý sharalary jalǵasýda.

PAVLODAR