Sınoptıkter aldaǵy úsh kúnge arnalǵan aýa raıy boljamyn usyndy, dep habarlaıdy Egemen.kz.
Elimizde jaýyn-shashynnyń toqtaýy jáne aýa temperatýrasynyń tómendeýi kútiledi.
«Respýblıkanyń aýa-raıyna áli de Atlantıkalyq sıklon óz áserin tıgizedi. Eldiń soltústiginde, ortalyǵynda, ońtústiginde qatty jaýyn-shashyn (jańbyr, qar) boljanady. Respýblıka boıynsha burqasyn, kóktaıǵaq, tuman, qatty ekpindi jel (15-28 m/s) saqtalady, 15 qarashada Qaraǵandy jáne Jambyl oblystarynda 30 m/s jáne odan da asa qatty jel kútiledi», delingen «Qazgıdromet» RMK habarlamasynda.
Apta sońynda Soltústik-batys antısıklonynyń enýimen jaýyn-shashyn toqtaıdy. Sonyń esebinen temperatýra fony tómendeıdi dep kútilýde. Aýa temperatýrasy túnde soltústik, soltústik-batys, shyǵys jáne ortalyqta 10-20 gradýs aıazǵa deıin, al ońtústik, ońtústik-shyǵysta 2-10 gradýs aıaz, taýly aımaqtarda 10-15 gradýsqa deıin tómendeıdi.