Oqý-aǵartý mınıstriniń buıryǵymen Dýlat Shaıkenuly Jekebaev Oqý-aǵartý mınıstrligi apparatynyń basshysy qyzmetine taǵaıyndaldy, dep habarlaıdy Egemen.kz Premer-Mınıstrdiń baspasóz qyzmetine silteme jasap.
Dýlat Jekebaev 1976 jyly Qaraǵandy oblysynda týǵan.
Akademık E. Bóketov atyndaǵy Qaraǵandy memlekettik ýnıversıtetin bitirgen.
Eńbek jolyn aýyl mektebiniń geografııa jáne tarıh pániniń muǵalimi bolyp bastaǵan.
2001-2005 jyldary Qaraǵandy oblysy Osakarov aýdanynyń bilim bóliminiń meńgerýshisi bolyp istedi.
2005-2017 jyldary – Qaraǵandy oblysy Osakarov aýdany ákiminiń orynbasary, bilim departamenti dırektorynyń orynbasary, Qaraǵandy qalasynyń bilim bóliminiń basshysy.
2017-2019 jyldary Astana qalasy Bilim basqarmasy basshysynyń orynbasary qyzmetin atqardy.
2019 jyldan bastap qazirgi ýaqytqa deıin Balalardyń quqyqtaryn qorǵaý komıtetiniń tóraǵasynyń orynbasary boldy.