2022 jyldyń 15 qarashasynda álem halqynyń sany 8 mıllıard adamǵa jetti. Mundaı derekti statıstıkalyq saıttyń onlaın-eseptegishi keltirdi, dep habarlaıdy Egemen.kz.
Worldometers.info saıtynyń málimetteri boıynsha 15 qarashada Astana ýaqytymen saǵat 14:00-de jer halqynyń sany 8 000 000 002 adamǵa jetti.
Buǵan deıin BUU 15 qarashaǵa deıin adamzat sany 8 mıllıardqa jetedi degen boljam jasaǵan edi.
Aıta ketsek, XIX ǵasyrdyń basynda Jer halqy alǵashqy mıllıardqa jetti. 120 jyldan keıin ǵana álemde adam sany eki esege ósti.
Planetada ómir súretin adamdar sanynyń negizgi ósýi XX ǵasyrda boldy. Adamzat arasynda ólim-jitimniń tómendeýi jáne ómir súrý uzaqtyǵynyń artýy aıasynda halyq sany 1,6-dan 6 mıllıardqa deıin ósti.